ጠለባት ንወነንቲ ትካላት

ዋላ ናጽነት ትካላት ይሃሉ፣ ቡዙሓት ሞያታት ፍሉያት ቅጥዕታት ከማልኡ ኣለዎም። እዚ ከኣ ንርእሰ-ሓደር ስራሓት ኢደ ጥበብ፣ ንፍቓድ ዘድልዮም ትካላት ከምኡ'ውን ን  ስሩዓት ሞያታት  ዝምልከት እዩ። ባዕዳውያን (ካብ ጀርመን ወጻኢ ዝተቀስ) ክእለታት/ፍልጠት ብዘይ ወግዓውን ስሩዕን ተቀባልነት ኣብ ጀርመን:  ብነጻ ሞያ ክነጥፉ ኣይፍቐድን። ንኣብነት ኣብ ስነ-ሃነጽቲ ወይ ሃንደስቲ(ኢንጂነራት)።

ኣብ ጀርመን ፍቓድ ዘየድልዮምን ወይ ዘድልዮምን ሞያታት ጥበብ ኣለው። ነቶም ብ 43 ፍቓድ ግድን ዘድልዮም ጥበባት ፍሉይ ሞያዊ ክእለት ዘድልዩም ሞያታት የርኢ: ኣብዚ ናይ ሓለቓ-ክእለት ፍልጥት ወይ ተዛማዲ ዝመሰል ክእለት ወይ ዝመሳሰል ሓደ ወግዓዊ ፍቓድ ዘለዎ ናይ ክእለት የድሊ።  ምዕራባዊ ጀርመን መዓልቲ ማሕበር ጥበብ (Westdeutscher Handwerkskammertag) ሓበሬታ ይህብ'ዩ።

ብቑዕ ዝኮነ ፍቃድ ዘድሊዮ ሞያ ኢደ-ጥበብ እንተ ደኣ ኣለኩም: ብቅዓትኩምን ናይ ሞያ ፍቃድኩምን ምስክር ወረቅት ብምቅራብ ንካልኣይ ግዜ ኣብ ኢደ ጥበብ (Handwerksrolle) መዝገብ ትምዝገቡ∷ ኣብቲ መዝገብ ኩሎም ፍቓድ ዘድሊዮም ርእሰ-ሓደር ኢደ ጥበብ ስራሓት ተዘርዚሮም ይርከቡ። ምዝገባ ከኣ ግዴታ እዩ። ኣብ ቦታኹም ዝርከብ  ናይ ኢደ ጥበብ ቤት ጽሕፈት ብምካድ ትምዝገቡ∷ ምልክታ ንምዝጋበ ኣብ ተራ ጥበብ (Antrag auf Eintragung in die Handwerksrolle) ንዘትረፉ ካልኦት ዘይተዘርዘሩ ጥበባት: ዝኾኑ ፍሉይ ሞያዊ ክእለታት ዘድሊ ኣይኮነን። ኣብ ሰነድ ፍቓድ ዘየድልዮም ኢደ ጥበብ  ትካላት ክትምዝግቡ ትክእሉ።

ኣብዚ ዌብ ሳይት  ዘድልየኩም ሓበሬታ ትረክቡ።

ንወግዓዊ ፍቓድ ናይ ባዕዳውያን ክእለታትኩም ተፈላጥነት ምእንቲ ክትረኽቡ: ናይ ተፈላጥነት ኣገባብ መስርሕ ከተካይዱ ኣለኹም:: ኣብ ሓደ ፍቓድ ዘድሊዮ ኢደ ጥበብ ርእሰ-ሓደርነት ክትዋስኡ/ክትሰርሑ ምስ እትደልዩ ኣብ ቦታኩም ዝርከብ ቤት ጽሕፈት ኢደ ጥበብ (Handwerkskammer in der Region) ብምካድ: ርእሰ-ሓደር ኮንኹም ክትሰርሑ ከም እትደልዩ ምልክታኩም ተቅርቡ። ርእሰ-ሓደር ሞያዊ ክእለታትኩም ብማዕረ እንተ ደኣ ተራእዩ: ሓደ ጥበባዊ ትከል ንክትጅምሩ ቀዳማይ ዕንቅፋት ኣጥፊእኹም ማለት‘ዩ። ሕጂ ሞያኹም እትጥቀሙሉ መስል ረኪብኩም ኣለኩም:: እቲ ዘቅረብኩሞ ክእለትኩም ወይ ፍልጠትኩም ተፈላጥነት ምስ ዘይረክብ: ፈተና ብምግባር ዝተረፈኩም ፍልጠት ትምልኡ∷ ኣብ ናይ ኢድ ጥበብ ቤት ጽሕፈት ብምካድ ናይ ተዋሃሃዲ ፍልጠት ዕድል ትሓቱ∷

ፍሉያት ሕግታት ንምቛም ፍቓድ ዘድሊዮም ስራሓት ኢደ ጥበብ ኣሎ። ኣብዚ ክልተ ኣብነታት ክትረኽቡ ኢኹም: ይኹን‘በር ኩሎም ፍልልያት ሕግታት ኣየጠቃልልን። ስለዚ ንሕና እንመኽረኩም፡ እንተ ደኣ "ሰርቲፊከት ሕልቅነት / Meisterbrief" ዘይብልኩም ከምኡ'ውን ኣብ ፍቓድ ዘድሊዮ ጥበብ እንተ ደኣ ተገዲስኩም: ኣብ ዝኾነ ይኹን ግዜ ካብ ኪኢላታት ናይ ማሕበር ኢደ ጥበብ ምኽሪ ውሰዱ::

ካብ ጀርመን ወጻኢ ዝተቀስመ ፍልጠት/ክእለት ምስቲ  ጀርመናዊ ፍልጠት/ክእለት ማዕረ ምስ ዝኸውን: ኣብ ስሩዓት ሞያታት ክትሰርሑ ይፍቐደልኩም። ዘለኹም ፍልጠት/ክእለት ወግዓዊ/ሕጋዊ ተቀባልነት ክህልዎ ኣለዎ። እዚ ማለት ካብ ዝምልከቶ  ምምሕዳር ናይ ክእለታትኩም ብቅዓት ምስክር/ፍቃድ ትሓቱ። እዚ ወግዓዊ ፍቓድ  ሞያ ትካል ክትሰርሑ/ክተማሓድሩ እንተ ደኣ ደሊኹም የድልየኩም። ተወሳኪ ሓበሬታ ኣብዚ ዌብ ሳይት ትረኽቡ። www.anerkennung-in-deutschland.de ትካል ንምምስራት: ኣየኖት ሞያታት ኣብ ጀርመን ስሩዓት ከምዝኾኑን ከምኡ'ውን እንታይ ረቋሒታት ክማልኡላእ ከም ዘለዎምን  ኣብዚ ዝርዝር ትረኽቡዎ:: ምክንያቱ ሞያ ካብ ሞያ ዚፈላለ ስለዝኾነ። ኣብዚ ሓደ ዝርዝር ኢኹም ትረኽቡ።

ኣብ ጀርመን  ርእሰ-ሓደር ንክትከውን ዝተፈላልየ ፍሉይ ፍቓድ የድሊ። ንኣብነት ንደለልቲ-ኢንሹራንስ ወይ ንኣመሓደርቲ ግላውያን ሆስፒታላት፣ ኣዳራሻት ጠላዓት ወይ ኣገልግሎት ሓለዋ ። ኣብዚ ሓፈሻዊ ሓበሬታ ብዛዕባ ዝኾኑ ፍቓድ ዘድልዮም ትካላት  ክትረኽቡ ኢኹም። ከምዚ ዚኣመሰሉ ፍቓድ ዘድልዮም ትካላት ከቁሙ ዝደልዩ፣ ናይ ዕላዊ ጠለባት መረጋገጺ ሰነዳት ብምቅራብ ካብ ቤት ምኽር ንግዳዊ ቤት ጽሕፈት ንርእሰ-ሓደር ዝወሃብ ፍቃድ ይሓቱ። እቶም ዝሕተቱ ዕላዊ ጠለባት ንኩሎም ፍቓድ ዘደልዮም ትካላት ማዕረ ኣይኮኑን፣ ካብ ሞያ ናብ ሞያ ክፈላልዩ ይኽእሉ። ዝበዝሕ ግዜ እዚኦም ዕላዊ ጠለባት ይሕተቱ:

• መረጋገጺ ብዛዕባ ውልቃዊ ተኣማምነት ናይቲ መስራቲ ወይ ናይታ መስራቲት፣ ንኣብነት ነጻ ካብ ገበን ሰርቲፊኬት ካብ ፖሊስ ወይ መዝገብ ማእከል ትካላት (Gewerbezentralregister) ወይ ናይ ንጽህና ሰሪፊኬት (Unbedenklichkeitsbescheinigung) ካብ ቤት-ጽሕፈት ገንዘባዊ ምምህዳር(ፊናንስን) ከምኡ'ውን ካብ መዘጋጃ ቤትን።
•  መረጋገጺ ብዛዕባ ሞያውያን ብቅዓታት (እንተላይ "ሞያዊ ብቕዓት / fachliche Eignung" ዝብሃል) ናይቲ መስራቲ ወይ ናይታ መስራቲት። ንኣብነት ብሓደ ፍሉይ ስልጠና ወይ ከኣ ብሓደ ሰርቲፊኬት ናይ ተወሳኺ  መማዕበሊ-ትምህርቲ ክረጋግጽ(መርትዖ ክውሃብ) ይከኣል።
•  መረጋገጺ ጭቡጥን ቅቡልን ብቅዓት ንምምስራት ትካል (ሓፈሻዊ ብቕዓት / sachliche Eignung) ዝብሃል። እዚ ሓበሬታ ካብ ምዝገባ ተኣወድቲ (SCHUFA) ዝብሃል (Schuldnerverzeichnis SCHUFA) ወይ ከኣ ብመረጋገጺ ህንጻዊ ብቕዓት ተክእሎ ብዛዕባ መጻኢ ክፍልታት ትካል ክረጋግጽ ይከኣል።

እቶም ውሳነታት ናይ ፍቓድ ዘድልዮም ትካላት ኣብ ሕጊ ስርዓተ ትካልነት (GewO) § 29 ክሳብ § 40 ተሓጊጎም ይርከቡ። ፍቓድ እንተ ደኣ ረኪብኩም: ኣብ ፍቓድ ዘድልዮም ትካላት ክትሰርሑ ትኽእሉ። እዚ ፍቓድ ናብ ካልኦት ሰባት ክመሓላለፍ ኣይኽእልን: ከምኡ'ውን ካልኦት ሰባት እቲ ፍቓድ ናባኹም ከመሓላልፉ ኣይክእሉን እዮም። ሰነዳት ካብ ዝተፈላልዩ ምምሕዳራት ከተምጽኡ ስለዘለኩም፣ ኣብ ምምስራት ፍቓድ ዘድሊዮም ትካላት ንውሕ ዝበለ ግዜ ከም ዘድሊ ርዲኢት ክትገብሩ ኣለኩም።